لەبەر نەبوونی قەوارەیەکی زمانی کوردی لە باکوور و تورکیا و لەبەر زەخت و بەربەستە سیاسییەکان گەلی کورد ناتوانێت بە زمانی خۆی پەروەردە بگرێت. هەر بۆیەش زۆربەی هەرە زۆری کوردان لە باکوور و تورکیا ناتوانن بە زمانی خۆیان بخوێننەوە و بنووسن. هەروەها بەهۆی سیاسەتی تواندنەوە کە بە شێوەیەکی سیستەماتیک لە لایەن دەوڵەتی تورکەوە بەڕێوە دەبرێت، هەندێک کورد بە زمانی خۆیان نازانن. بەهۆی ئەم بارودۆخەوە زمانی کوردی تا دێت لە ماڵەکان و لە بازار قسەی پێ ناکرێت. ئەگەر بەر لەم ڕەوتە نەگیرێت، زمانی کوردی لە باکوور و تورکیا دەکەوێتە نێو بارودۆخێکی خەتەرناکترەوە. کۆمەڵەی لێکۆڵینەوەی کوردی بۆ ئەوەی کە هۆشمەندییەک لەبارەی ئەم بارودۆخەوە دروست ببێت، خەباتەکانی وەکو کۆنفرانس، پانێل و سیمینار ئەنجام دەدات؛ کارگەکانی فێرکردنی خوێندنەوە و نووسینەوەی کوردی و فێرکردنی کوردی ڕێک دەخات؛ پشتگریی بڵاوکراوەکانی بە کوردی دەکات و خۆیشی پەڕتووک و گۆڤار بڵاو دەکاتەوە.