ئەژ دوما ئەوەرا گ ئەنستیتۆ کوردی ئستانبۆل، یەنێ ئە ئەنستیتۆوە گ ڤە ساڵ ١٩٩٢ ئرامەزریاوی وە دەس قانوون فەرمان نریاوا، ڤە باوەت بەرپەرچدانەوەی ڤەژێرپانیان ماف زوانی زوان کوردی، فێرکاری و ڤیریایی و ئەوزینەکردن کوردی ئستانبۆڵ تویش ئەوربڕیاێنێ بی. کوومەڵگا ئیمە ئەڕا لابردن ئێ ئەوربڕینە وە دەس تێکووشەرەل و دڵسووزەل ئەنستیتۆ کوردی ئستانبۆلەێرە ڤە ڕۆژ شەش مارس ٢٠١٧ ئرامەزریا. ئامانج و مەبەستەل بنەڕەتی کوومەڵەگەمان یەونەسە گ نامانە ماریم

• ئەنجامدان کارەل زانستی ئەڕا ئەوزینەکردن فەرهەنگ فرە ڕەنگی و دمۆکراتیک؛ ئەوڕێ‌بردن کۆنفرانس، پانل، سمینار و کارەل کوومەڵەیی ڤە بەشداری کارشناسەل ئەڕا ئەوڤیرئاوردن و نیشانداێن ڤەربەستەل نوا زوان داڵکەیی.
• ئرامەزرانن ناوەن دۆکیۆمێنتێ تا مەردم بتوێنن ڤە خەباتەل کۆمەڵەگەمان بڕەسنا؛ دورسکردن نەشرییەل ئەڕا فێربین، فێرکردن، ئەوزینەکردن و ژە نوو وڵاواکردن زوان داڵکەیی.
• سەڵمانن ئە مافەل ژەدەسچێیە گ وە مدوو ژێرپاکردن زوان داڵکەیی قەومیانە و دورسکردن سەرچەمەل دینەمەنی، ژنەفتەمەنی و شیکاری ئەڕا ئافراندن هۆشیاری ڤە باوەت ژێرپاکردن زوان داڵکەیی.