Komeleya Ma

Badê ke Enstîtuyê Kurdkî yê Îstanbulî, yo ke serra 18ê Nîsane 1992yan de ameybi awankerdene, bi KHKyî ame girewtene, Îstanbul de seba musnayîş, seveknayîş û averberdişê kurdkî û hetê tesbîtkerdişê îhlalanê heqanê ziwanî yê ziwanê kurdkî de vengîyêk vejîyaye werte. Komeleya ma seba vernîgirewtişê na vengîye hetê xebatkar û zerrîwazanê Enstîtuyê Kurdkî yê Îstanbulî ra 6ê Adara 2017an de ameye awankerdene. Amanc û mebestê esasî yê komeleya ma wina şênê bêrê rêzkerdene:

• Kerdişê xebatanê zanistîyan seba averberdişê kulturêko zaf-reng û demokratîk; viraştişê konferans, panel, semîner û komxebatan bi beşdarîya pisporan seba ke bale bianca astengîyanê ziwanê dayîke ser o.
• Tesbîtkerdişê vîndîyanê heqê ke verba îhlalkerdişê ziwanê dayîke ameyê werte û hadirekerdişê çimeyanê dîyayîşkî, eşnawitişkî û nuştekî seba afernayişê hişmendîyêk babeta îhlalkerdişî de.