Kürtçe Online Ders Kayıt Formu ,Forma Dersên Kurdî yên Online

Xebatê Ma

Xebatê Ma


Seba nêbîyayîşê statuyêke ziwanê kurdkî Vakur û Tirkîya de û verba teda û vernîgirewtişanê sîyasîyan şarê kurd nêşêno bi ziwanê xo perwerde bivîno.

Coka zî zafêrîya kurdan Vakur û Tirkîya de nêşênê bi ziwanê xo biwanê û binusê. Hetê bînî ra verba polîtîkayanê asîmîlasyonîst ke bi tewirêko sîstematîk hetê dewlete ra yenê ramitene, tayê kurdî ziwanê xo nêzanenê. Semedê na rewşe ra ziwanê kurdkî her ke şono keyeyan û sukan de nêno qiseykerdene. Eger vernîya nê trendî nêra girewtene, ziwanê kurdkî Vakur û Tirkîya de do bikewo rewşêka xeternakêre. Komeleya Cigêrayîşanê Kurdan seba ke na rewşe ser o hîşmendîyêk bivirazîya, xebatanê sey konferans, panel, semîner û komxebatan virazena; atolyeyanê wendiş û nuştişê kurdkî û musnayişê kurdkî virazena; piştî dana weşananê kurdkî û bi xo zî weşanan vejena.