Kürtçe Online Ders Kayıt Formu ,Forma Dersên Kurdî yên Online

کۆڤار

Zend


گۆڤار زەند یەکێ لەو کۆڤارەیل نواکیشەسە ک لە بوار لێکۆلین و زانست لە باکور چاپ کریایە. زەند وە دریژای تەمەن خوەی میوانداری لە فرەیگ ڕۆشنبیرەیل کورد کردیە و بویەسە جای ململانەی زانستی لە سەر زوان و ئەدەبیات و دیرۆک و کولتوور کوردەیل. زەند یەکم جار لە ساڵ 1994 دو ژمارەی جوور تاقیکاری چاپ کریەد. دوای ئەوە لە ساڵ 1996 وە شێوەی دەورەیی دەس وە کار کریەد و تا ساڵ 1998 شەش ژمارەی لەچاپ دریەد. وە هۆی ڕەوش ئەو سەردەمەوە شەش ساڵ ناوبەین کەفێدە ناو چاپێ و لە ساڵ 2004 لەنوو چاپ کریەد. هەر لەو ساڵە وە مدوو بڕێگ لە مەسەلەیل فەرمی لە کۆڤارەوە بوودە ڕێزەکتاو. لە ساڵ 2004 ەوە تا ئێسە 26 ژمارە لێ چاپ کریایە. کوو ژمارەیل زەند لە ساڵ 1994 تا ئێسە بویسە 34 ژمارە. هێما ساڵێ 2 ژمارە لە زەند لە لایەن ئەنستیتو کوردی ئستانبۆلەوە چاپ کریەد. یەی ژمارە لە بەهار و ژمارەی ترەک لە پاییز چاپ کریە.

Fêrname


> ئەنستیتو کوردی ئستانبۆل لە ساڵ 2014یا ئڕای مامۆستایل و خوەندەکارەیل خوەی گۆڤارێگ وە ناو "فێرنامە" چاپ کەیدن. لە ناو ئێ گۆڤارە بێجگە لە بەرهەم و وتارەیل خوەندەکار و مامۆستایل، نویسینەیل سەبارەت وە کولتوور و هونەر کوردیش جی گرن. هەر لەیوا لەی گۆڤارە وە یارمەتی فێرکاریەگانییەوتوەنین خوەنسن خوەدان وەرەو نوا بوەین و کولتوور و ئەدەبیات کوردی بناسین.

بابەتەیلیگ جوور چوارخشتەی پرسیاریش لە ناو گۆڤار فێرنامە جیەو گرتنە. بابەتەیل وە هەر سێ زاراوەی (کرمانجکی، کورمانجی و سۆرانی) لە ناو کۆڤارەگە هەن. مامۆستایل و خوەندەکارەیل کوردی توەنن لەی گۆڤارە ئستفادە بکەن و هەر ئی جوورە توەنن وە نویسان بابەت لەی گۆڤارە پشتیوانی بکەن. تا ئێسە چوار ژمارە لەی گۆڤارە چاپ کریایە. لە دوای ژمارەی چوارم فۆرمەت گۆڤار فێرنامە گوەڕیا و لە یە ئەودویا تەنیا مەتنەیل خوەنسن وە پەی ئاستەیل یەکم، دێوم و سێیم لە تێ جیەو گرن. ساڵێ دو ژمارە لە فێرنامە چاپ کریەد. ژمارەیگ لە بەهار و ژمارەی ترەکیش پایز دریەیدەو دەیشت.