جە دماو ئانەی کە یانەو کەڵتووری و زوانەوانی کوردی جە ئستانبۆلەنە جە سالەو ١٩٩٢ مەرزیارە و جە لاو قانوون-فەرمان دمایی وزیارە . نیشتەگاو کوردی ئەستانبۆلی جە بەشوو مافوو زوانەوانی و فێربیەی بە زوانوو وێش تووشوو چەنەبڕیایە درێژ بی . کۆگاو ئیمە پێ پەر کەردەیۆ ئا چاڵێ بە هەمیاری کەسا وەڵاتپارێزی و خەموەرێ جە ڕۆ شش ٦ و مارس و ٢٠١٧ جارێتەر مەرزیارە ئامانجەکا کۆگاکەیما ئینینە کە پی شێوە نامێشا بەرمێ

• کەردەو هەرمانێ زانستییە پێ زینەکەردەیۆ فەرهەنگوو فرە رەنگی و گەڵمیرانە . رێکوستەو سمینار و کۆنیشتێ و هەرمانەکا کۆگاکەیما هەر پاسە بەشدار کەردەو کەسا زانای پێ چارەسەر کەردەو ئا کۆسپا کە ئینە وەردەموو هەرمانەکامانە بە تایبەت زوانی ئەدایی.
• مەرزنایرەو یاگێوە تایبەتە پێ ئارشیڤ کەردەو و ورگێرتەی بابەتەکا ، پێ ئانەی خەلکی بە گردی تاوا دەسشا پەنەشا یاوۆ . بە تایبەت فێرکەردەی و وانای زوانی جە ڕا جیاوازەکا.
• چەسپنای ئا مافا کە چەنەشا بێ بەش کریەنمێ و بێیەنێ هۆ فۆتیاو زوانوو ئەدایی . هەر پاسە رێکوستەو یاگێ تایبەت پێ ئارشیڤی بە دەنگ و رەنگ و نوویستەی کە پێشەڵکاریەکا سەروو زوانوو ئەدایی نیشانە دۆ و هەر پاسە خەلکی هووشیار کەرۆوە کە چەنی زوانوو وێشا پارێزنا.