وەروو نەبیەو رێکوزیایە بنەرەتی زوانوو کوردی جە سەرنیشتوو کوردستانی و تورکیەنە هیچ گرنگییەش پەنە نەدریان و پەنەش نەوانیان و پەروەردەش پەنە نەکریان. هەر پاسە گەلەکەما چێروو نامێ بەربەستە سیاسیەکا کە جە لاو دەوڵتی بە سیستماتیک لوێنێ راوە جە مافوو وانای و نویستەی بە زوانوو وێشا بێ بەش کریەنی. هەر پاسە سەروو ئا فشارا کە هەنێ زوانوو کوردی رۆ بە رۆ کەمتەر جە یانەکانە و بازارەنە قسێش پەنە کریۆ.
گەر وەرو ئی شێوە ئینکاروو و فۆتنایە نەگیریۆ، زوانوو کوردی جە سەرنیشتوو کوردستانی و تورکیەنە گنۆ ئاژێوە خراب کۆگاو پەیجۆری کوردی بە ئامانجوو ئاگاداری و هووسیاری دای سەروو ئی ئاژەیە، هەرمانێ پسۆ کۆنفرانس، کۆنیشت، سمینار رێکوزۆ. هەر پاسە فێرکەردەی وانای و نویستەی زوانوو کوردی بەرو راوە. هەر پاسە پاڵپشتی نەشر کوردیەکا کەرۆنە و وێچش نەشر نیشانە مدۆ.
